تدري وش الي يكسر الظهر - منتديات هبال

| **وين رايح ●** · #1 (**permalink**) 09-11-01, 03:49 AM

تدري وش اللي يكسر الظهر حزّات ؟
لا من عطيت إحساس ما هو محلّه !

و تدري متى تستاهل الطعن مرّات ؟
لا من خطيت الدرب و أنتَ تدلّـه ..

لا تتبع المقفي على كل حالات ,
بعض الوجيه اللي تقابلك علّـه ..

و لا تسأل الغالي عن الجرح لا فات ,
نبش الحكي يزوّد الطين بلّـه ..

طالع في من حولك و تاخذ شهادات ,
ما نلتها لو تدرس الدهر كلّـه ..

ناسٍ تجرّ من شدّة الضيق ونـّات ,
و ناسٍ تقضّيها وناسه و فلّـه ..

هذاك شال هموم غيره و لا بات ,
و هذاك ما يدري عن إحساس خلّـه ..

أحدٍ يهين أصله على كل زلاّت ,
و أحدٍ ترومه شيمته ما تزلّـه ..

لا تقول حظّي من عنا الوقت قد مات ,
قل مات حظ اللي عناه استحلّـه ..

و لا ضاقت الدنيا و على الكيف ما جات ,
اطلق حجاجك ثم توكّل على الله ...

المصدر: منتديات هبال - أكبر موقع عربي خليجي ترفيه

| **عزف الجروح ●** · 10-04-18, 10:40 AM

وين رايح
يعطيك العافيه ونقل جميل ومميز

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري